Ikipe ya Manchester city ikina shampiyona y'ikiciro cya mbere mu Bwongereza yatangaje ko yongereye amasezerano y'imyaka ibiri umutoza wayo mukuru Pep Guardiola azageza muri 2027. Uyu mutoza yongereye amasezerano y'imyaka ibiri mbere yuko ayo yarasanganywe yari kuzarangira mu mpeshyi y'umwaka utaha mu gihe umwaka w'imikino wa 2024-2025 wari kuzaba urangiye.

Pep Guardiola yongereye amasezerano y'imyaka ibiri 

Pep Guardiola yongereye amasezerano nyuma yuko mu minsi ishize Manchester city yatangaje ko yumvikanye na we ko azongera amasezerano y'umwaka umwe ushobora kongerwaho undi umwe. Kongera amasezerano Kwa Pep Guardiola muri Manchester City byishimiwe n'abafana bayo kuko ari umutoza mwiza Kandi wafashije iyi kipe byishi akayivana ku rwego rumwe akayishyira ku rundi ku ruhando mpuzamahanga binyuze mu bikombe yayihesheje. Gusa abafana ba makipe ahanganye na Manchester city bababajwe n'iyi nkuru kuko batinya ubushongore n'ubukaka bwe kubera ko ahora abababaza akabatwara ibikombe cyane cyane ibya shampiyona y' u Bwongereza.

Abafana ba Manchester city nishimiye kongera amasezerano Kwa Pep Guardiola 

Umunya-Esipanye Pep Guardiola w'imyaka 53 yageze muri Manchester City muri 2016 avuye muri Bayern Munich ikina shampiyona y'ikiciro cya mbere mu Budage. Mu myaka umunani amaze atoza Manchester city yakinnye imikino 315 atsindamo imikino 232 anganyamo 43 maze atsindwa imikino 40 mu mikino yose hamwe yasaruyemo amanota 739. Amaze gutwarana nayo Kandi ibikombe 18 birimo 6 bya Shampiyona ndetse n'igikombe kimwe cya UEFA champions league n' bindi birimo UEFA super cup, Community Shield ndetse na FA cup.

Pep Guardiola yahesheje igikombe cya UEFA champions league Manchester city ku nshuro ya mbere

Amaze gutwarana nayo Kandi ibikombe 6 bya Shampiyona y' u Bwongereza harimo 4 byikurikiranya