Kuri uyu wa Gatandatu wa tariki 7 Ukuboza 2024 kuri stade Amahoro i Remera saa kumi n'ebyiri z'umugoroba harabera umukino w'ikirarane w'umunsi wa 3 utarakiniwe igihe muri Shampiyona y'ikiciro cya mbere mu Rwanda ni Rayon Sport izakwakira Apr Fc. Uyu mukino niwo uba ukomeye kuruta iy'indi yose wamaze no gutazirwa umukino wa Deribi y' imisozi igihumbi.Uyu mukino ugiye kuba Rayon Sport iriyo iyoboye urutonde rw'agateganyo rwa Shampiyona n'amanota 29 mu mikino 11 imaze gukina mu gihe Apr Fc yo iri kumwanya wa 5 n'amanota 18 mu mikino 9 imaze gukina.

Rayon Sport igiye gukina na Apr Fc iyoboye urutonde rw'agateganyo rwa Shampiyona 

Apr fc igiye gukina na Rayon Sport iri ku mwanya wa 5 ku rutonde rw'agateganyo rwa Shampiyona 

Uyu mukino ugiye kuba amatike yo kwinjira kuri uyu mukino yarashize mbere y'amasaha 30 mbere y'umukino yuko ukinwa. Uyu mukino Kandi uraza kuba urimo agashya kuko ku bufatanye bwa Rayon Sport n'abafatanyabikorwa bayo kuri uyu mukino hateguwe icyo bita Half-time challenge aho umufana wa Rayon Sport uzwi nka Rwarutabura n'umufana wa Apr Fc Rujugiro mu karuhuko k'igice cya mbere baraza guterana Penaliti utsinda undi araza guhita yegukana amafaranga y' u Rwanda angana na miliyoni imwe. Uyu mukino Kandi niwo ugiye guca agahigo ko kurebwa n'abantu benshi kurusha indi yose kuko muri stade Amahoro haraza kuba hicayemo abantu barenga ibihumbi 45. Uyu mukino Kandi ugiye kuba amakipe yombi afite ubuyobozi bushya kuko Rayon Sport ubu iri kuyoborwa na Perezida Twagirayezu Thadee ndetse na Perezida w'icyubahiro Paul Muvunyi nyuma yuko Manda ya Captain (Rtd)Uwayezu Jean Fidele irangiye mu gihe Apr Fc yo iri kuyoborwa na Brig. Gen Deo Rusanganwa waje asimbura Col (Rtd)Richard Karasira.

Amateka avuga ko Rayon Sport na Apr FC bamaze gukina imikino 103. Muri iyo mikino Apr Fc niyo yatsinzemo imikino myishi 44 naho Rayon Sport itsindamo imikino 33 banganya imikino 26. Muri iyo mikino Apr Fc niyo yinjijemo ibitego byinshi 137 mu gihe Rayon Sport yo yinjijemo ibitego 126. Intsinzi ikomeye yaba yarabonetse ni igihe Rayon Sport yatsindaga Apr Fc ibitego 5-2 hari ku itariki 3 Ugushyingo 1996 hari mu mukino wari wateguwe n'icyahoze ari UNR ubu isigaye ari Kaminuza y'u Rwanda.

Indi Deribi irabera mu ntara y'amagepfo mu karere ka Huye kuri stade mpuzamahanga ya Huye yo izwi nka Deribi y'amagepfo yo iratangira mbere yaho saa cyenda. Uyu mukino uraza guhuza Mukura victory sport yo mu karere ka Huye iza kwakira Amagaju Fc yo mu karere ka Nyamagabe. Uyu mukino nawo uba wahuruje abantu benshi cyane cyane abo mu ntara y'amagepfo aya makipe Kandi ni amwe mu makipe amaze igihe kinini akina muri Shampiyona y'u Rwanda kuko nk'ubu Mukura victory sport imaze imyaka 61 ibayeho mu gihe Amagaju Fc yo amaze imyaka 89.

Uyu mukino ugiye kuba amakipe yombi akurikirana ku rutonde  rw'agateganyo rwa Shampiyona kuko Amagaju ari ku mwanya wa 8 n'amanota 15. Mu gihe Mukura victory sport iri ku mwanya wa 9 n'amanota 14.

Mukura victory sport igiye kwakira Amagaju Fc muri Southern province Derby 

Amagaju Fc agiye gusura Mukura victory sport kuri stade mpuzamahanga ya Huye muri Southern province Derby 

Indi Deribi ni 'Kivu Derby" iri ku munsi w'ejo ku cyumweru mu karere ka Rubavu kuri stade Umuganda saa cyenda zuzuye Marine Fc yo mu karere ka Rubavu izakira Rutsiro Fc yo mu karere ka Rutsiro aya makipe yombi icyo ahuriyeho nuko yose aherereye mu turere dukora ku kiyaga cya Kivu. Aya makipe nayo ku rutonde rw'agateganyo rwa Shampiyona aregeranye kuko Marine Fc iri ku mwanya wa 7 n' amanota 15 naho Rutsiro Fc yo iri kumwanya wa 10 n'amanota 13.

Marine Fc igomba gukina na Rutsiro Fc muri Kivu Derby 

Rutsiro Fc izasura Marine Fc muri Kivu Derby kuri stade Umuganda 

Shampiyona y'ikiciro cya mbere mu Rwanda 2024-2025 igeze ku munsi wa 12 Rayon Sport niyo iyoboye urutonde rw'agateganyo rwa Shampiyona n'amanota 29 naho Vision FC na Kiyovu Sport nizo ziri mu murongo utukura mu gihe rutahizamu Fall Ngagne ariwe umaze gutsinda ibitego byinshi ibitego 6.