Irushanwa risumba ayandi yose ku isi ariko rikinwa n'amakipe y'amakarabu UEFA champions league ririgukinwa mu buryo bushya bwa League stage aho kuba group stage.

Mu ijoro ryo ku wa 27 Ugushyingo 2024 kuri Anfield Stadium mu mujyi wa Merseyside mu gihugu cy'u Bwongereza ikipe ya Liverpool yari yahakiriye Real Madrid yo mu gihugu cya Espanye.uyu mukino watangiye ikipe ya Liverpool isatira izamu rya Real Madrid.Mu minota ya mbere y' umukino rutahizamu w'umunya-Uruguay Darwin Nunez yabonye uburyo bwo gutsinda igitego ariko myugariro wa Real Madrid Raul Asencio umupira awukuriraho ku murongo ikipe y' i Bwami irokoka gutyo. Nyuma yaho gato Darwin Nunez nanone yabonye ubundi buryo bwo gutsinda igitego ariko umuzamu Thibaut Courtois yitwara neza umupira awukuramo.

Nyuma y' ubwo buryo Liverpool yabonye bwo gutsinda igitego ariko bikanga umukino wakomeje gukinirwa hagati mu kibuga ariko Liverpool icishamo ikataka izamu rya Real Madrid ariko bamyugariro bayo bari bayobowe na Antonio Rudiger bakomeza kwitwara neza. Byaje no gutuma igice cya mbere cy' umukino kirangira amakipe yombi anganya ubusa k'ubusa.

Igice cya mbere cyarangiye amakipe yombi anganya ubusa k'ubusa 

Igice cya kabiri cyatangiye Liverpool ikomeza gusatira ishaka gutsinda igitego byaje no kuyikundira ku munota wa 51 ubwo Alexis Mac Allister yafunguraga amazamu ku mupira yarahawe na Conor Bradley.

Alexis Mac Allister yishimira igitego yatsinze 

Nyuma yo gutsindwa igitego ku munota wa 56 Real Madrid yagize ibyago ivunikisha Eduardo Camavinga ahita asohoka mu kibuga asimburwa na Dan Ceballos Nyuma y' icyo gitego Real Madrid yahise ikanguka nayo itangira gusatira maze ku munota wa  60 Lucas Vazquez azamukana umupira ku ruhande rw'iburyo maze myugariro wa Liverpool ukina inyuma ku ruhande rw'ibumoso Andre Robertson amukorera ikosa maze umusifuzi atanga Penaliti yatewe na Klyian Mbappe maze umuzamu Caoimhin Kelleher ayivanamo Real Madrid ibura igitego gutyo.

Umuzamu wa Liverpool akuramo penaliti yatewe na Mbappe 

Nyuma yaho gato ku munota wa 70 umunya-Misiri Mohamed Salah yamfashe umupira awuzamukana yihuta cyane acenga myugariro wo ku ruhande rw'ibumoso Ferland Mendy ashatse kumucenga bwa kabiri ahita umutambiko ukuguru mu rubuga rw'amahina nta kundi umusifuzi yakoze uretse gutanga penaliti maze Mohamed Salah ayiteye umupira awutera hanze y'izamu nubwo umuzamu yari yamaze kuryama ku ruhande umupira uterekejemo.

Nubwo Mohamed Salah yaramaze guhusha penaliti ariko Liverpool yakomeje gusatira ari nako Umutoza Arne Slot akora impinduka akuramo Darwin Nunez ashyiramo Coddy Gakpo ninako kandi Carlo Ancelloti nawe yakoraga impinduka akuramo Ferland Mendy wari wagowe na Mohamed Salah asimburwa na Fran Garcia. 

Ku munota wa 76 ibintu byaje kuba bibi kuri Real Madrid ubwo Cody Gakpo yatsindiraga Liverpool igitego cya kabiri ku mupira wabanje guhererekanwa muri koroneri hagati ya Mohamed Salah  na Robertson maze ahita awuzamura imbere y'izamu rya Real Madrid maze Gakpo ahita awutera n' umutwe umupira uruhukira mu rushundura maze icya kabiri cyiba kiranyoye.

Cody Gakpo yishimira igitego yatsinze

Umutoza Carlo Ancelotti yakomeje gukora impinduka nkaho ku munota wa 79 yakuyemo Luka Modric yinjizamo Endrick ari nako Arne Slot nawe yakuragamo Cartus Jones na Conor Bradley yinjizamo Dominik Szoboszlai na Joseph Gomez. Ibi byaje gutuma umukino urangira Liverpool yegukanye itsinzi y'ibitego bibiri k'ubusa.

Umukino warangiye Liverpool itsinze Real Madrid ibitego 2-0

Ibyavuye muri uyu mukino byatumye Liverpool ikomeza kuyobora urutonde n'amanota 15

Mu gihe Real Madrid yo iri ku mwanya wa 24 n'amanota 6.