Shampiyona y' ikiciro cya mbere mu Bwongereza umwaka w'imikino wa 2024-2025 yarigeze ku munsi wayo wa 12. Ku wa Gatandatu tariki 23 Ugushyingo 2024 saa munani n' iminota mirongo itatu niho uyu munsi watangiye kuri king power stadium Leicester city yari yahakiriye Chelsea football club birangira iyi kipe itazirwa the blues itahukanye amanota atatu nyuma yo gutsinda Leicester city ibitego 2-1. Ni ibitego bya Nicolas Jackson na Enzo Fernandes mu gihe igitego cya Leicester city cyatsinzwe n'umunya-Ghana Jordan Ayew kuri penaliti.

Umukino warangiye Chelsea yegukanye amanota atatu 

Uyu mukino wabaye imbarutso yo kwirukanwa Kwa Steve Cooper wari umutoza mukuru wa Leicester city. Uyu mutoza nyuma Gato yuko atsinzwe na Chelsea yahise yerekwa umuryango si we wenyine wirukamwe ahubwo na Alan Tate ndetse na Steve Depart bari bamwungirije nabo bajyanye na we ikipe igiye gusigaranwa na Ben Dawson nk' umutoza mukuru cyo kimwe na Andy Hughes na Danny Alcock nk' abagomba kumwungiriza mu gihe hagishakishwa umutoza ugomba gusimbura Steve Cooper.

Umutoza Steve Cooper nyuma yo gutsindwa na Chelsea byabaye imbarutso yo kwirukanwa

Nyuma yaho saa kumi nimwe kuri Emirates Stadium ikipe ya Arsenal yari yahakiriye Nottingham Forest birangira inayihatsindiye ibitego 3-0. Ni ibitego byatsinzwe na Bukayo Saka, Thomas Partey ndetse n'igitego cy'agashinguracumu cyatsinzwe na Ethan Nwaneri. Muri uyu mukino byarangiye Bukayo Saka watsinze igitego cya mbere akanatanga umupira ukivamo kuri Thomas Partey abaye umukinnyi w' umukino.

Bukayo Saka yabaye umukinnyi mwiza w'umukino nyuma yo gutsinda igitego akanatanga umupira ukivamo 

Kuri iyo saha Kandi kuri Villa Park Aston Villa yari yakiriye Crystal Palace biza kurangira amakipe yombi aguye miswi y' ibitego 2-2. Ninako Kandi kuri Vitality stadium ikipe ya Bournemouth yari yahakiriye Brighton & Hove Albion biza kurangira itsindiwe mu rugo ibitego 2-1. Kuri iyo saha nanone kuri Craven cottage ikipe ya Fulham yari yasuwe na Wolverhampton Wanderers birangira itsindiwe mu rugo ibitego 4-1.

Umukino wasoje iyindi ku munsi wo ku wa Gatandatu watangiye saa moya n'iminota mirongo itatu kuri Etihad stadium Manchester city yari yakiriye Tottenham Hotspur

Uyu mukino wabaye nyuma Gato yuko umutoza Pep Guardiola yaramaze kongera amasezerano y'imyaka ibiri ari umutoza wa Manchester city kugera muri 2027. Uyu mukino byaje kurangira umutoza wa Tottenham Hotspur Ange Postecoglou yitwaye neza yihaniza Pep Guardiola amutsindira mu rugo ibitego 4-0. Ni ibitego byatsinzwe na James Maddison watsinzemo ibitego bibiri na Pedro Porro cyo kimwe na Bernard Johnson watsinze igitego cy'agashinguracumu

Ibi byahise bituma agahigo ko kumara imikino myishi ikipe idatsindirwa mu rugo kagumanwa na Chelsea. Dore ko Chelsea hagati ya 2004-2008 yamaze imikino 86 idatsindirwa Stamford Bridge mu gihe Manchester city yo yarimaze imikino 52 idatsindirwa Etihad stadium.

James Maddison yatsinze ibitego bibiri muri bine batsinze

Bukeye bwaho ku cyumweru tariki 24 Ugushyingo 2024 saa kumi kuri St Mary's Stadium ikipe ya Southampton yari yakiriye Liverpool birangira Liverpool bigoranye ihakuye amanota atatu nyuma yo gutsinda ibitego 3-2. Ni ibitego bya Mohamed Salah watsinze bibiri n'igitego cya Dominik Szoboszlai cyafunguraga amazamu naho Southampton yatsindiwe na Adam Armstrong cyo kimwe na Mateus Fernandes. Iyi tsinzi yatumye Liverpool ikomeza gushimangira umwanya wayo wa mbere ku rutonde rw'agateganyo rwa Shampiyona.

Mohamed Salah yamfashije Liverpool kwegukana amanota atatu 

Nyuma yaho saa kumi n'ebyiri n' iminota mirongo itatu kuri Portman road ikipe ya Ipswich town yari yahakiriye Manchester United n'umutoza wayo mushya iheruka kugura imukuye muri Sporting club y'iwabo muri Porotigale. Byaje kurangira Ruben Amorim umukino we wa mbere muri Manchester United awunganyije, aho nyine amakipe yombi yaguye miswi igitego 1-1. Marcus Rashford yafunguye amazamu ku ruhande rwa Manchester United hanyuma Omari Hutchinson yishyurira Ipswich town igitego byanatumye umukino urangira gutyo amakipe yombi agabanye amanota.

Umukino warangiye amakipe yombi anganya 

Ruben Amorim yatangiye anganya umukino we wa mbere 

Umunsi wa 12 waraye usojwe kuri uyu  wa mbere saa yine z'ijoro Newcastle United kuri St James Park yari yakiriye iWest Ham United. Birangira West Ham United ihakuye amanota atatu nyuma yo gutsinda ibitego 2-0.

Kugeza ubu urutonde rukomeje kuyobora na Liverpool n'amanota 31 mu gihe Manchester city ikurikira ku mwanya wa kabiri n'amanota 23 mu gihe Chelsea yo iri kumwanya wa gatatu n' amanota 22 inganya na Arsenal ya Kane ndetse na Brighton & Hove Albion ya gatanu nayo ifite 22. Mugihe Kandi Southampton, Crystal Palace na Ipswich town ziri mu murongo utukura.