Umunyabigwi wa Real Madrid Gareth Bale aganira n'ikinyamakuru TNT Sport yavuze ko abona ikipe ya Real Madrid izegukana igikombe kiruta ibindi ku mugabane w' i Burayi gikinwa n' amakarabu cyizwi nka UEFA Champions league avuga ko izatwara iy' uyu mwaka wa 2024-2025 nubwo Gareth Bale avuga gutyo iyi kipe ntago ihagaze neza kuko muri iyi mikino ya UEFA Champions league mu buryo bushya bwa league stage aho kuba group stage magingo aya mu makipe 36 ari gukina iri rushanwa Real Madrid iri kumwanya wa 24 n'amanota 6. Uyu munyabigwi kandi yavuze ko umufaransa Klyian Mbappe abona ko ariwe uzahabwa igihembo cy'umupira wa zahabu ( Ballon d'or) gihabwa umukinnyi ku giti cye gitangwa n'ikinyamakuru France Football igiheruka cyatwawe n'umunya-Esipanye ukinira Manchester city Rodrigo Hernandez Cascante.

Kylian Mbappe uvugwa na Gareth Bale ko azatwara Ballon d'or 

Uyu munyabigwi wa Real Madrid yavuze ko Kandi ikipe ya Liverpool ariyo izatwara igikombe cya shampiyona y'u Bwongereza hanyuma Erling Haaland akaba uwatsinze ibitego byinshi muri Shampiyona. Ibi abivuze mugihe iyi kipe ya Liverpool magingo aya ariyo iyoboye urutonde rw'agateganyo rwa Shampiyona y'Abongereza n' amanota 34 nyuma y' imikino 13. Mu gihe Erling Haaland ariwe umaze gutsinda ibitego byinshi ibitego 12.

Erling Haaland uvugwa na Gareth Bale ko azaba uzatsinda ibitego byinshi muri Shampiyona y' u Bwongereza 

Muri Esipanye yavuze ko Real Madrid ariyo izegukana igikombe cya Shampiyona hanyuma umunya-Polonye Robert Lewandowski akaba uwatsinze ibitego byinshi. Mu gihe magingo aya Real Madrid muri Shampiyona iri kumwanya wa 2 n' amanota 33 nyuma y' imikino 14 ikaba iri kurushwa na Fc Barcelona amanota 4 ariko inayirusha imikino 2 kuko Barcelona imaze gukina imikino 16 ikaba ifite amanota 37 bivuze ko Real Madrid ibaye itsinze imikino ibiri irushwa na Fc Barcelona yahita igira amanota 39 igahita irusha Fc Barcelona amanota 2.

Robert Lewandowski avugwa na Gareth Bale ko azaba uzatsinda ibitego byinshi muri Shampiyona ya Esipanye 

Gareth Bale w'imyaka 35 akaba umunyabigwi wa Real Madrid magingo aya yasezeye gukina umupira w'amaguru muri Mutarama 2023. Yaciye mu makipe atandukanye harimo MLS club Los Angeles yasorejemo ariko mbere yaho yanyuze muri Real Madrid kuva muri 2013-2022 yanatwaranye nayo ibikombe bitandukanye birimo 5 bya UEFA Champions league birimo Kandi ibikombe 3 bya Shampiyona ya Esipanye. Yayigezemo avuye muri Tottenham Hotspurs yo mu Bwongereza yo yakiniye kuva muri 2007-2013.